જૈવિક કચરામાંથી ખાતર બનાવવા માટે DECOMPOSER નો ઉપયોગ કરવાના તબક્કા (Steps) નીચે મુજબ છે:

• મિશ્રણ તૈયાર કરો – એક ડ્રમમાં, ૧૦૦ લીટર પાણીમાં ૨–૩ લીટર ડીકમ્પોઝર, ૧–૨ કિલોગ્રામ ગોળ અને ૫ લીટર છાશ ઉમેરો. આ મિશ્રણને બરાબર હલાવો અને ૨૪ કલાક માટે રહેવા દો, જેથી બધી વસ્તુઓ સારી રીતે ભળી જાય.
• જૈવિક કચરાનો ઢગલો તૈયાર કરો – લગભગ ૧ ટન જૈવિક કચરો એકઠો કરો, જેમ કે પાકના અવશેષો, પાંદડા, ખેતીનો કચરો અથવા રસોડાનો કચરો. કચરાને અલગ કરીને તેમાંથી ન સડે તેવી વસ્તુઓ (જેમ કે પ્લાસ્ટિક, ધાતુ વગેરે) કાઢી નાખો, અને જૈવિક સામગ્રીને નાના-નાના ટુકડાઓમાં કાપી લો અથવા બારીક કરી લો, જેથી તેના સડવાની પ્રક્રિયા ઝડપી બને. ત્યારબાદ, કોઈ યોગ્ય જગ્યાએ ખાતરનો ઢગલો કરો. તે જગ્યા છાયડાવાળી હોય તો વધુ સારું.
• ડીકમ્પોઝર દ્રાવણનો છંટકાવ કરો – તૈયાર કરેલા દ્રાવણને જૈવિક કચરાના ઢગલા પર સમાન રીતે છાંટો, જેથી તે બધે સારી રીતે ફેલાઈ જાય.
• ભેજનું પ્રમાણ જાળવી રાખો – ઢગલામાં ૫૦–૬૦% ભેજ જાળવી રાખો. જરૂર પડે ત્યારે પાણી છાંટો અને યોગ્ય ભેજ જાળવવા માટે દર ૨ દિવસે એકવાર ઢગલાને ભીનો કરો.
• ઢગલાને સમયાંતરે ઉપર–નીચે કરો (અથવા પલટાવો) – યોગ્ય હવા-ઉજાસ (એરેશન) અને ઝડપથી સડવાની પ્રક્રિયા માટે, અઠવાડિયામાં એકવાર ખાતરના ઢગલાને પલટાવો અથવા મિક્સ કરો.
• સડવાની પ્રક્રિયાનું નિરીક્ષણ (મોનિટરિંગ) – સૂક્ષ્મ જીવો ધીમે ધીમે જૈવિક કચરાને ખાતરમાં ફેરવી દેશે.
• વપરાશ માટે તૈયાર કમ્પોસ્ટ (ખાતર) – ખાતર સામાન્ય રીતે લગભગ ૨૫-૩૦ દિવસમાં તૈયાર થઈ જાય છે.
• જો જરૂર જણાય, તો ફરીથી પ્રક્રિયા કરો – જો સડવાની પ્રક્રિયા ધીમી હોય અથવા કચરો પૂરેપૂરો ઓગળ્યો (વિઘટન) ન હોય, તો ડીકમ્પોઝરનો બીજો ડોઝ આપો.